ԱՋԱԿՑԵՆՔ, ՕԳՏԱԿԱՐ ԼԻՆԵՆՔ…
13.01.2021 11:22

Գիտե՞ք, ինչքան է ցավալի, երբ հանկարծ գիտակցում ես, որ քո դիմացինը ոչինչ չունի, իսկ դու ունես ամեն ինչ: Իսկ ինչքա՜ն է դաժան, երբ նա մի վայրկյանում կորցրել է քո ունեցածից գուցեև ավելին, կորցրել է անվերադարձ ու այսօր մնացել շիվար ու անօգնական:

Իսկ այդ աչքե՜րը, որոնք մի այնպիսի տխրությամբ են նայում քեզ, որ միանգամից կեղեքվում է սիրտդ, այդ կարոտով ու թախիծով պարուրված աչքերը… Ասես հայն ուրիշ աչքեր ունենալ չի կարող, դրանք պետք է անպայման տխուր-տխուր լինեին…

Այսօր մեր շրջապատում այդ ճակատագրին արժանացած մարդիկ, ավաղ, անչափ շատ են, և ինչքան էլ մեզանից յուրաքանչյուրը ցավի նրանց համար, միևնույն է`նրանց ցավն ավելի խորն է, անպատմելի…

Այնպես պատահեց, որ հյուրընկալվեցինք Ասկերանի շրջանի Ավետարանոց համայնքի բնակիչներ Գարիկ և Լիլիա Հայրապետյանների հյուրասեր օջախում: Պատերազմի պատճառով տուն ու տեղ թողած և հարազատ գյուղից տեղահանված ընտանիքը ժամանակավոր կացարան է գտել Ասկերան քաղաքում: Ավետարանոցի անմահական հողին ու ջրին, անաղարտ օդին կարոտ մնացած ընտանիքը մեծ դժվարությամբ էր հարմարվում նոր բնակավայրին: Ինչպես համեմատել անտառների մեջ կորած գյուղն ուրիշ բնակատեղի հետ: Չէ որ այդ անտառներն ու դաշտերն էին սնում նրանց, իսկ լեռների լանջերին սփռված արոտավայրերում արածում էին նրանց անասունները և եկամուտ բերում տերերին:

Պարզվեց` տանտիրոջ ծննդյան օրն էր, և նրա եղբայրները եկել էին շնորհավորելու: Ամբողջ գերդաստանն էր հավաքվել: Թվում էր` հոբելյարին պետք է մեծարեին, կենացներ հիշեին…Սակայն ամբողջ երեկոյի իմաստը մեկն էր` հարազատ Ավետարանոցը: Եղբայրներով ընկել էին հիշողության գիրկը, մանկությունից հասել մինչև պատերազմ, որն այնքան ցավոտ և արյունոտ հուշեր էր արթնացնում: Նրանք մեկ առ մեկ հիշում էին զոհված տղաներին, գերեվարված համագյուղացիներին, մտաբերում վերջին իրադարձությունները, իսկ կանայք արտասվաթոր աչքերով և անհուն տխրությամբ լսում էին նրանց: Իսկ եղբայրներից մեկի որդին` Գրիգորին չէր կարողանում զսպել արցունքները, նա կարոտել էր հարազատ գյուղը, ընկերներին: Շուտով 18-ն էր լրանալու, և պատրաստվում էր անպայման իր առաքելությունը կատարել Հայրենիքի հանդեպ: Տղայի աչքերում վրեժի ծարավ կար` անթաքույց, ընդգծված…

Միաժամանակ չէին կորցնում հույսը, որ հարազատ բնակավայրը հետ կվերցնեն թշնամուց: Երանի այդ օրը շուտ գար…

Հայրապետյանները կորցրել էին ամեն ինչ, նրանք Ավետարանոցում են թողել տարիների իրենց վաստակը`երկհարկանի վերանորոգված բնակելի տներ, այգիներ ու բանջարանոցներ, անասուններ, պարզապես` ամեն ինչ: Ապուպապերի շիրիմները հիշելիս` միանգամից քար լռություն էր տիրում գերդաստանում, բոլորն իրարից հայացք էին փախցնում :

Չնայած այդ ամենին` Հայրապետյանները շնորհակալ էին Աստծուց, որ ողջ և առողջ են մնացել, երանի թե տղաներն էլ ողջ լինեին…

Գարիկն ու Լիլիան վստահ են, որ կկարողանան կրկին ստեղծել, քանի որ պարտավոր են աշխատել ու մտածել երեք մանկահասակ երեխաների ապագայի մասին: Այսօր նրանք համարյա ոչինչ չունեն, սակայն տոգորված են լավատեսությամբ և համոզված, որ մի գեղեցիկ օր կիրականանան բոլոր ցանկությունները, իսկ նրանց դուստրերը ջանք չեն խնայի ծնողներին օգնական լինելու համար:

Այո′, հենց սա է հայկական ավանդական ընտանիքը, որտեղ թագավորում է համերաշխությունը, սերն ու հարգանքը: Մենք հիացմունքով էինք ունկնդրում նրանց և զարմանում. ինչպե՞ս կարող են այդքան ուժեղ ու տոկուն լինել, որտեղի՞ց նրանց մեջ այդքան կամք:

Ու սկսվում է մեր մեջ ներքին մի պայքար. ի՞նչ կանեիր, եթե դու հայտնվեիր դիմացինիդ փոխարեն, կկարողանայի՞ր արդյոք դիմադրել կյանքի դժվարություններին և պատասխանը չես լսում…

Մեջդ ահագնանում է մի խռովք, որին չես կարողանում սաստել, և այն կլանում է քո ողջ էությունը, լցնում տագնապով, և զգում ես, թե ինչքան թույլ ես դու այդ ուժեղ մարդկանց կողքին, ինչքան արիասիրտ ու բարձր են նրանք …

Եկեք, գիտակցենք պահի ողջ լրջությունը, ամեն մի տեղահանված բնակչի դրությունը մտնենք, օժանդակենք, լինենք բարեհաճ, հանդուրժող:

Ով գիտի, նախախնամությունն ի՞նչ է նախապատրաստել մեզ համար:

…Մտորե′նք, սթափվե′նք…

Գարիկ Հայրապետյանին մաղթենք առողջություն, խաղաղ երկինք և թող Աստծո օգնությամբ ի կատար ածվեն նրա ընտանիքի բոլոր երազանքները: Գուցե մի գեղեցիկ օր նրանք կկարողանան վայելել հարազատ Ավետարանոցի ամեն մի մասնիկը…

Տա Աստված…

   Կարինե ԲԱԽՇԻՅԱՆ

 
ՊԻՏԻ ԱՊՐԵՆՔ…
13.01.2021 10:59

Արցախցի երեխան ապրել է ուզում… Նա երազում է խաղաղ երկնքի տակ կերտել իր ապագան և ապրել մի երկրում, որտեղ երբեք չեն լսվի թնդանոթների ձայները, չեն հռնդա տանկերն ու կապույտ երկնքում չեն սուրա ռազմական ինքնաթիռները: Արցախցի երեխան ապրել է ուզում…

Արցախյան արյունաբեր պատերազմը, որ ցնցեց համայն աշխարհի հայությանը, պղտորեց մեր երեխաների մանկական հոգիները, ընդհատեց նրանց անմեղ ու անհոգ մանկությունը: Մեր փոքրիկներն իրենց մայրերի հետ ժամանակավոր ապաստան գտան մայր Հայաստանում, որտեղ հյուրընկալվեցին բարի և հոգատար մարդկանց ընտանիքներում: Երեխաներն սպասում էին, որ շուտով հաղթանակի ավետիսը կլսվի և իրենք կվերդառնան Արցախ և կշարունակեն ապրել իրենց երազանքների երկրում…

Ասկերանի Էդմոն Բարսեղյանի անվան միջնակարգ դպրոցի փոխտնօրեն Աիդա Գյանջումյանը, ով այդ օրերին նույնպես Հայաստանի քաղաքամայր Երևանում էր, չէր կարող անտարբեր մնալ և հայրենասիրական յուրօրինակ իր քայլը դրսևորեց: Նրա մտքում միայն Արցախն ու այնտեղ ապրել ցանկացող արցախցի մանուկն էր: Պատահական չէր, որ կոմպոզիտոր Էդգար Գյանջումյանի հետ համատեղ երգ գրեցին, որը արցախցի երեխաների խաղաղության կոչն էր համայն աշխարհին և անվանեցին ‹‹Պիտի ապրենք››…

Այո′, արցախցի երեխան պիտի ապրի ու պիտի ապրի հանուն մեծ կյանքի, հանուն խաղաղության և հանուն բոլոր այն հերոսների, որոնք անմահացան…

Արցախցի երեխան գիտի նաև, որ իր ապրելը պայքար է լինելու ընդդեմ չարի, անարդարության և դարավոր ոսոխի:

Երբ Աիդա Գյանջումյանը գրեց երգի տողերը և այն ուղարկեց իր հանրաճանաչ բարեկամին, չուշացավ սպասված հեռախոսազանգը: Էդգար Գյանջումյանն արդեն ուներ երգի տողերին համահունչ երաժշտությունը:

Աիդա Գյանջումյանն սկսեց իր շուրջը հավաքել արցախցի երեխաներին և անմիջապես անցան փորձերի: Ժամանակը շատ սուղ էր, իսկ աշխարհը պետք է լսեր արցախցի երեխայի կոչը, լսեր նրա ձայնն ու սթափվեր: Եվ այդ հրաշալի կատարումը ձայնագրվեց և ներկայացվեց հանրությանը:

Հիշում ենք, պատերազմի ահեղ օրերն էին: Մեզանից ոմանք մնացել էինք հարազատ Ասկերանում, ապաստան գտել նկուղներում և, անշուշտ, միայն հաղթանակի էինք սպասում: Եվ ահա, ինչպիսի՜ հիանալի կատարում մեր երեխաների կողմից:

Լսում էինք նրանց սթափեցնող երգը, հպարտանում և խանդավառվում: Այդ հզոր երգի ամեն մի բառը ուժ էր հաղորդում յուրաքանչյուրիս, լցնում հույսով ու հավատով:

Խոսքերի հեղինակ Աիդա Գյանջումյանի համար` Արցախի ժողովուրդը ուժեղ կամք ունի և անհնար է ոչնչացնել մի ժողովրդի, որն ամուր կառչած է իր հարազատ հողին և ունի այնտեղ ապրելու անհագ ցանկություն:

Չենք թաքցնի, որ մեր`ասկերանցիներիս համար առավել հպարտություն էր, երբ գեղեցիկ այդ կատարման մասնակիցներից Էլեն Թովմասյանը, Լիլիա Սարգսյանը, Յուլիա Հայրապետյանը, Սյուզաննա և Ռուզաննա Մելքումյաններն Ասկերանի Էդմոն Բարսեղյանի անունը կրող կրթօջախի սաներն են, իսկ երգի խոսքերի հեղինակը` դպրոցի փոխտնօրեն Աիդա Գյանջումյանն է:

‹‹Մեր երգով ուզում էինք ամբողջ աշխարհին հասկացնել, որ բարին անպայման հաղթելու է, մենք ակնկալում էինք աշխարհի օգնությունն ու աջակցությունը: Մեր կոչը բոլորին լսելի դարձնելու համար երգի մի մասը երգեցինք նաև անգլերեն լեզվով:

Բոլորիս կողմից ցանկանում եմ շնորհակալություն հայտնել ընկեր Գյանջումյանին, որ այդ օրհասական օրերին կարողացավ իր մեջ ուժ գտնել և գեղեցիկ երգի տողեր գրել: Նրա շնորհիվ մենք համախմբված էինք, միասնական և երգի բոլոր փորձերին գնում էինք մեծ հաճույքով ու պատրաստակամությամբ››,-իր տպավորություններն է կիսում 10-րդ դասարանի աշակերտուհի Էլեն Թովմասյանը:

Ցավոք, մենք չհաղթեցինք անհավասար և ահեղ այս պատերազմում, սակայն կշարունակենք ապրել մեր պապենական այս սուրբ հողում, կշարունակենք արարել ու պայքարել` ի հեճուկս մեր դարավոր և ոխերիմ թշնամիների:

Այո′, մենք պիտի ապրենք…

                                                                                                                                                                                                 Կարինե ԲԱԽՇԻՅԱՆ

 

 
ԹՈՂ ՏԱՐԻՆ ԼԻՆԻ ԽԱՂԱՂՈՒԹՅԱՆ ՏԱՐԻ
08.01.2021 15:13

Մի քանի օրից կթերթվի պատմության հերթական էջերից մեկը, և մենք բոլորս միասին կթևակոխենք նոր՝ 2021 թվականը: 2020 թվականը կմնա անցյալում և մեզանից յուրաքանչյուրն ինքը կորոշի ինչպիսի գնահատական տալ այդ տարվան:

Դառը հիշողություններով հանդերձ, ես կցանկանայի, որպեսզի նոր տարում մեր ժողովուրդն ապրի հանգիստ ու խաղաղ: Համոզված եմ՝ մեր հաստատակամության ու միաբանության շնորհիվ կկարողանանք հաղթահարել այս ծանր իրավիճակը ևս, քանզի հայը միշտ էլ ուժեղ ու անսասան է եղել:

Ցավոք, պատերազմական գործողությունների հետևանքով թշնամու վերահսկողության տակ են անցել մեր շրջանի ութ համայնքներ: Ավետարանոցի, Ակնաղբյուրի, Սղնախի, Ջրաղացների,

Подробнее...
 
ԱՇԽԱՏԱՆՔՆԵՐԸ ՇԱՐՈՒՆԱԿԱԿԱՆ ԵՆ ԼԻՆԵԼՈՒ
08.01.2021 15:07

Թե ինչպիսի շինարարական աշխատանքներ են կատարվել հետպատերազմական այս շրջանում ՝ տեղեկացանք Ասկերանի շրջվարչակազմի ղեկավարի տեղակալ, շինարարության գծով պատասխանատու Վահագն Առստամյանից:

<<Պատերազմից հետո մեր շրջանում ծագել էին բազմաթիվ խնդիրներ, որոնք անհապաղ լուծում էին պահանջում և այս կարճ ժամանակահատվածում կարողացանք որոշակի աշխատանքներ իրականացնել

Подробнее...
 
ՄԱՂԹԵՆՔ ԽԱՂԱՂՈՒԹՅՈՒՆ
30.12.2020 11:09

Պայծառ ու վառ լույսեր սիրուն,

Դրսում ձմեռ, ներսում գարուն,

Նորից անհոգ խինդ ու ծիծաղ,

Նորից երգեր, դեմքեր ուրախ…

Հենց այդպիսին էր տրամադրությունը ԱՀԱԸ և ԿՀԱԸ Ասկերանի մանկապարտեզում: Վաղ առավոտյան երեխաները տոնական հանդերձանքով և վառ տրապադրությամբ եկան մանկապարտեզ: Գիտեին, որ այսօր ուրախ օր էր սպասվում իրենց:  Նոր տարին գեղեցիկ ու երկար սպասված տոն է հատկապես մանուկների համար: Փոքրիկները թեև շատ ուրախ էին, սակայն նրանց աչքերի մեջ մի տեսակ փոփոխություն, տագնապ ու սպասելիքներ կային: Երեխաները հանդես եկան գեղեցիկ երգերով ու պարերով: Նրանց էր միացել նաև խմբի դաստիարակ Իննա Հարությունյանը, ով իր հոգու ողջ ջերմությունը հաղորդում էր սաներին: Շուտով ժամանեց հանդեսի գլխավոր հերոսը՝ Ձմեռ պապիկը: Երեխաները շուրջպար բռնեցին Ձմեռ պապի հետ տոնածառի շուրջը և հանդեսի վերջում  նվերներ ստացան ձմեռ պապիկից: Միջոցառման հանդիսատեսը փոքր խմբի երեխաներն էին, նրանք անչափ ուրախ դիտում էին իրենց համար նախապատրաստված ելույթները:

Ողջունելով ներկաներին՝ մանկապարտեզի տնօրեն Անահիտ Դանիելյանը շնորհավորեց գալիք տոների առթիվ և փոքրիկներին խաղաղություն մաղթեց:

Թող կործանվի չարը բոլորիս սրտերից, և բարին բուն դնի մեր սրտերում: Սիրենք, ժպտանք, ապրենք…

Շնորհավոր Ամանոր և Սուրբ Ծնունդ:

Անահիտ ԴԱՎԹՅԱՆ

 
ՓԱՌՔ ՈՒ ՊԱՏԻՎ ՔԵԶ...
30.12.2020 10:45

Ի վերուստ ճակատագիրն այնքան էլ բարեհաճ չէր այս երիտասարդի հանդեպ: Հավանաբար հենց այդ էր պատճառը, որ բարի, համեստ ու լռակյաց տղան միշտ ինքնամփոփ էր: Քայլում էր անձայն, ամոթխած բարևում հանդիպողներին, իսկ հայացքը միշտ տխու՜ր տխու՜ր էր...

Ասում են՝ Աստծո գործերն անքննելի են, սակայն մի՞թե չէր կարող Ամենակարող Տերն իր հովանու տակ պահել բազմիցս որբացած և այս աշխարհում ոչինչ այդպես էլ չտեսած տղային: Մի՞թե ճակատագիրն անգութ չէր ու դաժան նրա հանդեպ:

Արթուր Վլադիմիրի Խաչատրյանը ծնվել է 1990 թվականի հունիսի 4-ին Երևան քաղաքում: Ճակատագիրն արդեն որոշել էր, որ մանկուց նա պիտի ճաշակեր առանց մայր ու հայր մնալու դառնությունը և քրոջ՝ Հերմինեի հետ հայտնվեր Հայաստանի մանկատներից մեկում:

Թվում էր, թե ահա բախտն սկսեց ժպտալ որբ երեխաներին: Ասկերան քաղաքի բնակիչներ

Վլադիմիր և Շուշիկ Խաչատրյանները մանկատանը տեսնելով այդ փոքրիկներին՝ անվարան որոշեցին որդեգրել նրանց: Իրենց մինուճարը զոհվել էր Արցախյան պատերազմում: Եվ փոքրիկ Արթուրն զբաղեցրեց

Подробнее...
 
ՀԱՆԴԻՊՈՒՄ ԱՀ ԱՆՎՏԱՆԳՈՒԹՅԱՆ ԽՈՐՀՐԴԻ ՔԱՐՏՈՒՂԱՐԻ ՀԵՏ
28.12.2020 16:55

ԱՀ Անվտանգության խորհրդի քարտուղար Վիտալի Բալասանյանն Ասկերան քաղաքում հանդիպում ունեցավ շրջանի ուժային կառույցների, համայնքների ղեկավարների և Արցախյան պատերազմներին մասնակցած տարբեր սերունդների ներկայացուցիչների հետ:

Մինչ խորհրդակցությունն սկսելը՝ ներկաները մեկ րոպե լռությամբ հարգեցին Արցախյան պատերազմներում նահատակված տղաների հիշատակը:

Վիտալի Բալասանյանը ողջունելով ներկաներին և շնորհակալություն հայտնելով

Подробнее...
 
ՆՈՒՅՆ ՊԱՏԱՍԽԱՆԱՏՎՈՒԹՅԱՄԲ ԵՎ ՀԱՄԱԽՄԲՎԱԾ ՈՒԺԵՐՈՎ
25.12.2020 11:46

Հետպատերազմյան շրջանում առաջացած ցանկացած խնդիր և դժվարություն կարելի է բնական համարել, քանզի մարդկանց համար հեշտ չէ ուշքի գալ ու համակերպվել պատերազմի թողած հետքերի ու անդառնալի կորուստների հետ: Սակայն մենք՝ հայերս, որ պայքարող, ստեղծող ու արարող ժողովուրդ ենք, կարողանում ենք գտնել այդ գերբնական ուժը և առաջ գնալ: Եվ կյանքը ցույց է տալիս, որ մենք պարտավոր ենք համախմբված և միաբռունցք լինել՝ շարունակելով պայքարել նաև պատերազմից հետո...

Ադրբեջանի կողմից սանձազերծված պատերազմի առաջին իսկ օրերից մեր

Подробнее...
 
ՀԱՅՏԱՐԱՐՈՒԹՅՈՒՆ
23.12.2020 15:39

Բերքաձորի համայնքապետարանը հայտարարում է համայնքային սեփականություն հանդիսացող 2.05 հա արոտի վարձակալության մրցույթ:
Մրցույթը տեղի կունենա հայտարարությունը Ասկերանի Բերդ թերթի կայքէջում տեղադրելուց 30 օր հետո՝ Բերքաձորի համայնքապետարանում:
Լրացուցիչ տեղեկությունների համար զանգահարել 097751590 հեռախոսահամարին:

 
ԱՅՍՈՒՀԵՏ ՄԻԱՅՆ ԽԱՂԱՂ ՊԱՅՄԱՆՆԵՐՈՒՄ...
22.12.2020 15:43

Այն, որ անգնահատելի է մեր բժիշկների անձնվեր աշխատանքը, աներկբա  ապացուցվեց պատերազմի օրերին: Բուժաշխատողների մի մեծ բանակ շարունակում էր պատվով ու անմնացորդ իրականացնել իր վեհ առաքելությունը: Մեր բժիշկներն ու բուժքույրերը վտանգելով սեփական կյանքն ու առողջությունը՝ ամենօրյա պայքար էին տանում ամեն մի զինվորի ու քաղաքացու կյանքի համար:

Փառք ու պատիվ բուժաշխատողների մեր հզոր բանակին...

Հետպատերազմյան այս օրերին երդվյալ հայրենասերները ոչ պակաս  նվիրումով շարունակում են իրենց գործը:

Ասկերանի շրջբուժմիավորման տնօրեն Գոհար

Подробнее...
 
ԻՐԱԿԱՆԱՑՎՈՒՄ ԵՆ ՇԻՆԱՐԱՐԱԿԱՆ ԱՇԽԱՏԱՆՔՆԵՐ
22.12.2020 11:51

Պատերազմական գործողությունների հետևանքով շրջանի ութ համայնքներ մնացել են թշնամու վերահսկողության տակ, տեղահանվել են այդ համայնքերի բնակիչները և ժամանակավոր բնակություն հաստատել Հայաստանի Հանրապետության և Արցախի տարբեր բնակավայրերում: Բնակչության մեծամասնությունը լքել են հարազատ օջախներն անգամ առանց անձնական իրերի, մնացել անօթևան և անօգնական:

Տեղահանված բնակչությանը ժամանակավոր կացարաններով ապահովելու համար պատերազմական գործողությունների ավարտից հետո Ասկերանի շրջանում սկսվել են իրականացվել շինարարական աշխատանքներ: Այսօր այդ գործընթացն ավելի մեծ թափ է ստացել և կրում է շարունակական բնույթ:

Ասկերանի շրջվարչակազմի աշխատակազմի ՔՃՎ բաժնի պետ Ալբերտ Ավանեսյանը

Подробнее...
 
ՏԱ ԱՍՏՎԱԾ…
17.12.2020 17:18

Վերին ենթաշրջանի մեր գյուղերը հիշելիս բազմապատկվում է այն ահավոր ցավը, որ թողեց պատերազմը, քանզի չենք կարողանում պատկերացնել, որ մեր կուսական ու անաղարտ բնությանը մեր ոխերիմ թշնամին է տիրացել: Անդառնալի կորցրեցինք բազմադարյա մեր բնակավայրերը, մեր խաչքարերն ու հուշարձանները, այնտեղ թողեցինք մեր ապուպապերի շիրիմները…Այնտեղ մնաց մի ողջ պատմություն…

Մեր թերթի էջերում բազմիցս էինք անդրադառնում Ջրաղացների համայնքին: Համայնք, որն իր օրինակելի պահվածքով, աշխատասեր, արարող ու ստեղծող ժողովրդով միշտ ուշադրություն էր գրավում: Հաճախ էինք հյուրընկալվում այնտեղ, ականատես լինում պատշաճորեն

Подробнее...
 
<< Первая < Предыдущая 1 2 3 4 5 6 7 8 9 10 Следующая > Последняя >>

JPAGE_CURRENT_OF_TOTAL
mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter